រដ្ឋបាលខេត្តប៉ៃលិន

Pailin Province Administration
ស្វែងរក

អភិបាលខេត្តប៉ៃលិន ជំរុញដល់កងកម្លាំងតំបន់ប្រតិបត្តិការសឹករងខេត្តប៉ៃលិន ត្រូវខិតខំកសាងអង្គភាព ឱ្យបានរឹងមាំ ដើម្បីការពារពង្រឹងខឿនការពារជាតិ

  • 432
  • ដោយ poeuninfo

មានប្រសាសន៍នៅក្នុងឱកាសអញ្ជើញចុះពិនិត្យមើលការកសាងសមិទ្ធផលនានា ក្នុងទីបញ្ជាការតំបន់ប្រតិបត្តិការសឹករងខេត្តប៉ៃលិន នាថ្ងៃទី១៦ ខែកុម្ភះ ឆ្នាំ២០២០ ឯកឧត្តម ផាន់ ចាន់ធុល អភិបាលខេត្តប៉ៃលិន បានជំរុញដល់នាយទាហ៊ាន នាយទាហ៊ានរង និងពលទាហ៊ាន ក្នុងអង្គភាពតំបន់ប្រតិបត្តិការសឹករងខេត្តប៉ៃលិន ត្រូវយកចិត្តទុកដាក់ខិតខំកសាងអង្គភាព និងលេណដ្ឋានប្រយុទ្ធឱ្យបានរឹងមាំ បើទោះបីសភាពការនៅតាមខ្សែបន្ទាត់ព្រំដែនកម្ពុជាថៃល្អប្រសើក៍ដោយ។ទន្ទឹមនេះត្រូវខិតខំធ្វើការហ្វឹកហ្វឺនបង្កើនសមត្ថភាពនិងបច្ចេកទេសប្រយុទ្ធ ពង្រឹងកម្លាំងប្រយុទ្ធ ពង្រឹងកិច្ចការពារសន្តិសុខសុវត្តិភាពសង្គម ការពារបូរណៈភាពទឹកដី អធិតេយ្យភាព ដើម្បីបង្កនូវបរិយាកាសល្អជូនរាជរដ្ឋាភិបាលក្នុងការអភិវឌ្ឍប្រទេសជាតិឱ្យមានការរីកចម្រើន។         ឯកឧត្តមលើកឡើងថា៖រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន​សែន នាយករដ្ឋមន្ត្រីនៃព្រះរាជាណាចក្រកម្ពុជាបានគិតគូខ្ពស់ពីសុខទុក្ខនិងជីវភាពរស់នៅដល់កងកម្លាំងប្រដាប់អាវុធដែលកំពុងឈរជើងការពារព្រំដែនគ្រប់ពេលវេលា។ ដូច្នេះ នាយទាហាន នាយទាហានរង និងពលទាហាន ទាំងអស់ ត្រូវខិតខំពង្រឹងគោលជំហរឱ្យបានរឹងមាំ ដោយគោរពវិន័យ និងបទបញ្ជារបស់ថ្នាក់លើឱ្យបានយ៉ាងភ្ជាប់ខ្ជួន ដើម្បីពង្រឹងកិច្ចការពារបូរណៈភាពទឹកដី នៃព្រះរាជាណាចក្រកម្ពុជាយើង កុំឱ្យខ្មាំងសត្រូវចូលឈ្លានពានបានជាដាច់ខាត។ ឯកឧត្តមអភិបាលខេត្ត បានផ្តាំផ្ញើដល់នាយទាហ៊ាន នាយទាហ៊ានរង និងពលទាហ៊ានទាំងអស់ ត្រូវពង្រឹងសាមគ្គីភាព ឯកភាពផ្ទៃក្នុងឱ្យបានល្អ ជាពិសេសត្រូវមានកិច្ចសហប្រតិបត្តិការល្អជាមួយសមត្ថកិច្ចពាក់ព័ន្ធ និងភាគីថៃ ឱ្យបានល្អថែមទៀត ដើម្បីពង្រឹងសន្តិសុខ សណ្តាប់ធ្នាប់ នៅតាមព្រំដែន ធ្វើយ៉ាងណាឱ្យព្រំដែនមួយមានសន្តិភាព និងមានការអភិវឌ្ឍ រីកចំរើនលើគ្រប់វិស័យ។

អត្ថបទទាក់ទង